Varsel om endring av plan for del av Områdeplan for Berlevåg sentrum

I samsvar med Plan- og bygningslova § 12-8 og § 12-14, vert det varsla om oppstart av planarbeid for endring av områdereguleringsplan for Berlevåg sentrum, Havn og Revnes, datert 25.06.2013, PlanID 2013001, i Berlevåg Kommune. Aktuelt planområde er gbnr., 11/3, 11/1005, 11/1004, 11/853 og 11/1016 mfl. Plankonsulent er iVest Consult AS, tiltakshaver er Coast Berlevåg AS, og planarbeidet vert gjennomført i tett samarbeid med Berlevåg kommune. 

Formål med planendring er å legge til rette for utviding av Coast Berlevåg AS sitt næringsområde i Berlevåg. Det er planlagt utviding av industriområdet som vil omfatte utviding av næringsbygg på tomta, slik at den også vil inkludere innandørs lagringsplass. Vidare skal planendring legge til rette for å betre tilkomst, parkering, og tilhøve ved lossing/lasting av køyretøy for transport.

Det kan bli aktuelt med felles prosess med behandling av reguleringsendring og byggesak etter pbl §12-15.

Planlagt endring i høve gjeldande områdeplan

Aktuelt område for endring vil i hovudsak vere knytt til Coast Berlevåg sitt næringsareal, med tilgrensande område rundt. Planlagde endringar i hovudsak vere;

• Slå saman N2 og vestre del av N3 til eit arealformål (næringsareala til Coast Berlevåg AS). Endre delar av framtidig regulert veg i AV3 og AV4 til næringsformål, og endre arealformål innanfor del av gbnr. 11/3 og 11/1016 frå sentrumsformål til næringsformål.  

I planarbeidet vil ein vurdere moglegheit for å flytte framtidig tilkomst til N2 (frå Samfunnsgata), noko lenger aust dersom dette gjev betre trafikale løysingar for trafikkavvikling innanfor næringsarealet. Parkeringsplass P3 er tenkt vidareført, men arealet er tatt med i tilfelle det vert behov flytting av avkøyrsel, for å sikre tilstrekkeleg areal for sikt m.m.

• Regulere inn eksisterande tilkomst til austre del av N3, Hydraulikk Finnmark AS, slik den ligg i dag. I varsling for aktuelt område for endring er det her tatt med noko meir areal mot aust for å sikre vegareal med siktsoner. Areal til opplagringsplass for snø vil flyttast slik at det ved reguleringsendring vert lokalisert innanfor del av G2 (Gangveg/gangareal/gågate). Elles er trafikkareala tenkt vidareført slik som i gjeldande plan.

I forbindelse med oppstartsvarsling av planarbeid vil det opprettast dialog med Fylkeskommune angåande endring av tilkomst, då sett i samanheng med planlagt oppgradering av Samfunnsgata.

Planlagde endringar omfattar endringar i plankart, samt tilknytte føresegn.

Offentlege instansar/ Naboar/Partar vert tilskrive med eige brev.

Dei som har innspel, merknader eller spørsmål til planarbeidet kan vende seg til iVest Consult as, innan 09.04.2022.